Santionany asa soratra voaranty tamin'ny Herinandron'ny Havatsa

Nampidirin'i tsikisariaka | 22 Nov, 2010

TSY IANAO NO TIAKO

Izaho lay nankafy
Nankamamy tsotr’izao
Naneho ny foko hoe tia
Dia tsoriko aminao
Fa tsy ianao aloha no tiako
Fa ny fitiavanao no mamiko
Tanterakao ny faniriko
Izay no fahasambarana amiko.
Resin-tsento aho omaly
Dia somokotra ianao
Nampitsiky, falifaly
Izany fo anatiko ao
Voafafanao ny jaly
Namatotra ahy hatrizao
Reko mirana ny aiko
Vao mikarakara ianao
Voatohantohana aho, lazaiko
Izay no tiako fa tsy ianao

Thina
12.10.09

HERINANDRON'NY HAVATSA-UPEM

Nampidirin'i tsikisariaka | 20 Okt, 2010

Talata 26 hatramin'ny Sabotsy 30 Oktôbra 2010 ao amin'ny Tahala Rarihasina Analakely

Fampiratiana ny asa soratr'ireo mpikambana ao amin'ny Fikambanana Havatsa-Upem (Union des Poêtes et Ecrivains Malgaches) ho fanandratana hatrany ny kanto sy ny maha-malagasy. Ahitanao tononkalo, lahatsoratra, tantara foronina na sombin-tantara.
Inona fa hanan-danja foana sy hanonja tokoa ilay hoe fitenenana hoe : "ANDRIANIKO NY TENIKO, NY AN'NY HAFA KOA FEHEZIKO" izay Mpikambana ao ihany no namorona azy.

Tongava maro mba hitsidika dia mizara izay akony eto. Mankasitraka sahady !

inty aho !

Nampidirin'i tsikisariaka | 16 Jio, 2010

Salama aby ô !

Mandalo miarahaba fotsiny amin'izao ankatoky ny asaramanitra.

Mirary soa

TAOM-BAOVAO

Nampidirin'i tsikisariaka | 1 Feb, 2010

Arahabaina nahatratra ny volana Febroary indray ô
Mahafinaritra fa miarahaba foana an ! Io Febroary io tokoa hono dia volana voalohany ho an’ny “hafa”, ary midika ho “fidiovana” izy io amin’ny teny latina “februarius”. Taom-baovao any ho any koa izany anio.

Fa ny tena taom-baovaon-tsika Malagasy dia ho avy tsy ho ela : 16 MARTSA 2010.
Toy izao no azo ambara :

-          Averina eto indray aloha fa ny andro ifanitsahan’ny volana sy masoandro ao amin’ny antokon-kintana Alahamady raha tazanina avy ety ambonin’ny tany (avy eto Madagasikara izany). Ary io no manambara ny taom-baovao Malagasy ka hankalazaina indrindra eny AMBOHIMANGA amin’ity taona ity.

 

- Ny Alahady 14 Martsa 2010 amin’ny roa ora sy sasany tolakandro : Fotoam-pivavahana ao amin’ny FJKM Ambohidrabiby ho vavaka fangataham-pitahiana ho an’ny tanindrazana.


- Ny Alatsinainy 15 Martsa 2010 hifoha Talata 16 Martsa 2010 amin’ny 12 ora sy 2 minitra alina. Eny amin’ny vohitra masina no hiainga ny “AFO TSY MATY” amin’ny telo ora.

 

-  - Tohizana amin’ny “Fafirano” sy “Tatao” izany ny marainan’ny 16 Martsa ary manomboka amin’ny folo ora (10 ora) maraina ny fanatanterahana ny lanonana ôfisialy.

 

Lavitra akaiky ilay daty fa dia mba tadidio ihany e ! soraty any amin’ny diary. Dia izao, tsy ananako ny antsimpirihan’ireo fa mpampita ihany koa aho ka tsy manan-kavaly aloha raha misy ny fanontaniana manitikitika.
Mirary soa ary e !

IANAO TALOHA...

Nampidirin'i tsikisariaka | 28 Jan, 2010
Normal 0 21 false false false FR X-NONE X-NONE MicrosoftInternetExplorer4

Miarahaba antsika rehetra amin’izao fahatrarantsika ny taona vaovao 2010. Mbola Janoary isika ary izaho dia tena matokyfa mbola tsy tara ny fiarahabako. Mirary soa e, ho tahian’Andriamanitra avokoa. Isan’ny fomba tena malagasy tokoa izany fifampiarahabana izany ka na volana Jona aza vao mihaona dia mbola injany re ilay feo malagasy hoe « TRATRY NY TAONA E ! », « DIA SAMY HO TRATRY NY HO AVY ». Ny tsipelina tsy iadiako hevitra fa ny fomba tsy ialàna. Sa ahoana ?

Indro ny voan-dàlana kely vao mafana mba hozaraiko aminareo rehetra. Mankafiza am-pitsikiana.

 

IANAO TALOHA...

Ianao taloha tsy nojereko
Ianao taloha toa tsy nekeko
F’ankehitriny kosa toa omeko
‘Zany tsikim-pahareseko

Ianao taloha nankahalaiko
Ianao taloha novazavazaiko
F’ankehitriny kosa ankalazaiko
Hoe mpanoro ahy amin’izay tsy haiko

Ianao taloha notsinoaviko
Ianao taloha tsy notiaviko
F’ankehitriny kosa sy amin’ny ho aviko
Namako mpambomba ahy amin’ny adiko

27.01.10 – 21.45

1 2 3 4 5 6 7 8 9  Manaraka»