MOMBA IZAY EFITRANO IZAY

Nampidirin'i tsikisariaka | 15 Nov, 2007
Etsy ambany etsy misy miresaka momba ny efitranony… dia izaho nihevitra fa hoe :

ity efitrano ity  
dia mbola miara-miaina  
ny sento sy taraina  
iainanay ety,   

ity efitrano ity  
no zoro iafenana,  
iaretana tsy ferana  
ny ratsy sy ny fy   

kay ity efitrano ity  
mirakitra tantara  
sisa aty afara...  

izaho irery mantsy  
no toran'ny tsiaro,  
amin'ny "aloka mangia  
ity efitrano ity"  

15.11.07   
(Setrin’ny “Ity efitranoko ity” an’i DadaRabe)

Post ao anatin'ny Ankapobeny | Hevitra (16) | Verindrohy (trackback) (0)