Ndeha hiara-hiasa : Tononkalo sy hira

Nampidirin'i tsikisariaka | 5 Nov, 2007
Misedra adim-piainana ihany koa ny mpanoratra ka indraindray dia mitady ho difotra izy rehefa vizan’ny adim-piainana ny aingam-panahiny indraindray. Tototra ao ny asa sorany fa tsy mba misy mpikolokolo. Sehatra iray hanatosahan’ny mpanoratra ny tora-pony rehetra amin'ny tranga rehetra anefa ny sanganasany ka inoana sy irina tsy ho faty na dia mivangongo fatratra ao fotsiny aza. Izany indrindra no hanaovana antso avo amin’ny mpanakanto hafa ny mba iaraha-mikolo ireny sanganasa ireny. Ny mpanoratra mantsy dia manoratra foana, manoratra hatrany ary tsy mihevitra ny hanisa izany akory fa dia ao fotsiny iny. Ny mpamaky dia migoka ny tsirony rehefa mandalo eo imasony ireny asa soratra ireny ary dia mandray ho an’ny tenany izay voalaza, indraindray voafendrofendro, matetika koa anefa dia velom-bolo satria azo lazaina ho fanafody fanafan'ny aretim-panahy ny sentom-po zaraina. Mainka moa fa raha lasa hira izy ireny dia voarotsirotsy avokoa ny mpiara-belona. Dia mirana rahateo ny mpiara-miasa mamoaka vokatra. Koa izay manan-talenta amin’ny fanomezana feo ny tononkalo dia manolo-tànana re, andao hiara-hiasa. Misaotra mialoha e !

8 Hevitra & 0 Verindrohy (trackback) amin\'ny "Ndeha hiara-hiasa : Tononkalo sy hira"

  1. Fa misy inona ary ry Tsikisariaka ? raha misy adim-piainana aza misalasala mizara é! (any ambadika mazava ho azy)

    Dia hiara hiasa aminao izahay é!

    DdRb

    Nampidirin'i DadaRabe 05 Nov 2007, 20:59
  2. Ny fiainana andavanadro izay itovian'ny miankandrefam-baravarana re e ! kay moa ny any aminareo mitodika mianavaratra ko !Misaotra namaly DdRb a ! Ary tsy hisalasala rehefa ohatr'izay.

    Nampidirin'i Tsikisariaka 06 Nov 2007, 09:01
  3. Ny fiainana andavanadro izay itovian'ny miankandrefam-baravarana re e ! kay moa ny any aminareo mitodika mianavaratra ko !Misaotra namaly DdRb a ! Ary tsy hisalasala rehefa ohatr'izay.

    Nampidirin'i Tsikisariaka 06 Nov 2007, 09:04
  4. Fa ity dia antso ho fiaraha-miasa alefa ho an'izay afaka mamorona sy mannisy feon-kira ny tononkalon'i Tsikisariaka.

    Nampidirin'i Tsiks 06 Nov 2007, 09:06
  5. I Tsikisariaka ihany no Tsiks an ! :-)

    DdRb

    Nampidirin'i DadaRabe 07 Nov 2007, 00:42
  6. DadaRabe an !

    Nampidirin'i Tsikisariaka 07 Nov 2007, 06:42
  7. Fa aiza ary no tsisy artista mpamorona feon-kira tsy mba mandalo ety ! tsy hitako hoe asiana girilandy ve sa saina maitso sa inona re e ?
    Ampitampitao !

    Nampidirin'i Tsikisariaka 10 Nov 2007, 08:15
  8. Tena ity no tonga amin'ny fitenenana hoe "SADY VOKY NO AFAKA ADIDY" an !

    Nampidirin'i Tsiks 29 Nov 2007, 12:06
Hampiditra hevitra

E-mail me when comments occur on this article

 This is the ReCaptcha Plugin for Lifetype